MONSr DE LA VIGNE

A MONSr DE LA VIGNE, 
AMBASSADEUR POUR LE ROY DEVERS LE GRAND SEIGNEUR.

Fontainebleau, 
3 mars [? 1557-58.]

MONSr de la Vigne,
j’ay receu les lectres que vous m’avez escriptes & ay esté‚ bien ayse du bon debvoir que vous faictes au service de Sa Majesté, lequel vous avez en telle recommendacion qu’il n’est besoing de le vous ramentevoir; &, au demeurant, je vous prye qu’en l’affaire de Codignac, vous y veilliez procedder le plus doucement qu’il vous sera possible, pour l’amour de moy, vous assurant que me ferez bien plaisir, & aussy que ce vous sera honneur; en la part que je vous pourray faire plaisir, estes asseuré que je m’y employeray d’aussi bon cueur que je prye Dieu, monsr de la Vigne, vous donner ce que désirez. 

A Fontainebleau, 
ce IIIe jour de mars.
Votre entyère bone amye,
DIANNE DE POYTIERS.